دەربارەی KGND

تۆڕی KGND تەنها پرۆژەیەک نییە؛ بەڵکو دەستپێشخەرییەکی مێژووییە کە لە ناو هەلومەرجێکی نوێدا، سەری هەڵداوە. ئامانجی ئەم دەستپێشخەرییە دامەزراندنی یەکەم تۆڕی جیهانییە کە کوردان، بە شێوەیەکی یەکگرتوو، سەربەخۆ و پرۆفیشناڵ، لە سەرتاسەری جیهان پێکەوە دەبەستێتەوە.

ئەم تۆڕە هەوڵێکە بۆ ئەوەی هەموو ئەو توانایانەی کە بە شێوەیەکی پەرش و بڵاو لە ناو ڕەوەندی کوردیدا هەیە، لە سەرمایەی مرۆیی و زانستی تایبەتمەندەوە تا توانای کارگێڕی، سەرچاوە ئابووری، ئەزموونی دامەزراوەیی و کولتووریی بخرێنە ناو سیستەمێکی ڕێکخراو، پەیوەست و بەردەوامەوە.

تۆڕی KGND وەک پردێکی دامەزراوەیی کار دەکات؛ شوێنێکە کە لە ڕێگەیەوە زانست، ئەزموون، سەرچاوە و مۆدێلە مۆدێرنەکانی بەڕێوەبردنی مەدەنی، بە شێوەیەکی ڕێکخراو و کارا بۆ گەشە و بەهیز کردنی کۆمیونەتی کوردی بە کار دەهێنێت.

" دامەزراندنی KGND لەم ساتەدا پێویستییەکی مێژووییە نەک هەڵبژاردنێکی ئیختیاری "

— حەیدەر کەمالی فەر- دامەزرێنەریKGND، ٢٠٢٦